betpawa-jackpot
Azam waisasambua Ndanda, Cioaba akiwa jukwaani

Azam waisasambua Ndanda, Cioaba akiwa jukwaani

03 Feb 2018, 23:12

Umekuwa ni usiku mzuri kwa Klabu Bingwa ya Afrika Mashariki na Kati, Azam FC, baada ya kuichapa Ndanda mabao 3-1 katika mchezo wa Ligi Kuu ya Vodacom Tanzania Bara (VPL) uliofanyika Uwanja wa Azam Complex, Chamazi, Dar es Salaam.

Ushindi huo umeifanya Azam FC kufikisha jumla ya pointi 33 ikiwa nafasi ya pili kwenye msimamo wa Ligi Kuu ya Vodacom Tanzania Bara (VPL) nyuma ya pointi mbili dhidi ya Simba iliyokileleni ambayo ina mchezo mmoja mkononi itakaoucheza Jumapili na Ruvu Shooting.

Shukrani kwa mabao matatu ya nguvu yaliyofungwa na washambuliaji Yahya Zayd, Shaaban Idd na winga Enock Atta Agyei, yaliyoizamisha kabisa Ndanda, ambayo ilionyesha upinzani mkali katika mchezo huo.

Iliwachukua dakika 25 Azam FC kuweza kupata bao la uongozi, likifungwa na Zayd alipokea pasi safi ya Shaaban na kuwatoka mabeki wa Ndanda kabla ya kupiga shuti zuri nje kidogo ya eneo la 18 lililotinga wavuni.

Dakika tano baadaye Azam FC ilinufaika kwa mpira wa adhabu ndogo, baada ya winga Enock Atta kuitumia vema na kufunga bao la pili kwa mpira wa moja kwa moja uliomshinda kipa wa Ndanda, Jeremiah Kisubi.

Ndanda ilirejea mchezoni na kujipatia bao lake pekee lililofungwa na Nassor Kapama, kwa mkwaju wa moja kwa moja wa adhabu ndogo uliomshinda kipa wa Azam FC, Razak Abalora na kufanya mpira huo uende mapumziko kwa wenyeji hao kuogoza 2-1.

Azam FC ilihitimisha ushindi wake kipindi cha pili baada ya Shaaban kuipatia bao la tatu akifunga kiustadi akiunganisha pasi safi ya juu ya winga Idd Kipagwile, ambaye naye alikuwa kwenye kiwango kizuri.

Aristica Cioaba. 

Katika mchezo huo, Azam FC ilimkosa Kocha wake Mkuu, Aristica Cioaba, ambaye alikuwa jukwaani baada ya kufungiwa na Bodi ya Ligi (TPLB) wakidai alionyesha ishara mbaya kwa mashabiki kwenye mchezo uliopita dhidi ya Yanga.

Huu ni mwendelezo wa Bodi hiyo kuendelea kumsakama kocha huyo bila ushahidi dhahiri, ambapo hii ni mara ya pili inamfungia, kifungo cha awali wakimuhusisha ametoa lugha chafu kwa waamuzi wakati wa mchezo wa Azam FC dhidi ya Ruvu Shooting.

Mara baada ya mchezo huo, kikosi cha Azam FC kitaendelea kuwepo kambini kujiandaa na mchezo ujao dhidi ya Simba utakaofanyika Uwanja wa Taifa Jumatano ijayo saa 10.00 jioni, ambapo Jumapili itaanza programu kujiandaa na mechi hiyo.

Kikosi cha Azam FC:

Razak Abalora, Daniel Amoah, Bruce Kangwa/David Mwantika dk 58, Yakubu Mohammed, Agrey Moris, Frank Domayo, Enock Atta, Salmin Hoza, Yahya Zayd/Ramadhan Singano dk 74, Shaaban Idd/Paul Peter dk 68, Idd Kipagwile

Related news
related/article
Betting Previews
Back Rampant Spain To Beat a Young England Side
6 hours ago
English Premier League
Kenyan forward features as Sutton United fall to Bohemians
14 Oct 2018, 14:40
English Premier League
Carrick glad he opened up about depression
12 Oct 2018, 16:30
English Premier League
England boss blasts EPL for player-unfriendly fixtures
7 hours ago
Africa Cup of Nations
Migne praises 'almost perfect' Eric Johanna
21 hours ago