AFCON U20 Q: Ngorongoro Heroes yaendelea na mazoezi

AFCON U20 Q: Ngorongoro Heroes yaendelea na mazoezi

13 Mar 2018, 06:49
Kikosi cha timu Taifa ya Vijana chini ya umri wa miaka 20 'Ngorongoro Heroes' kimeendelea na mazoezi katika hosteli za Shirikisho la soka nchini (TFF) zilizopo Karume jijini Dar es Salaam kujiandaa na mchezo wa kuwania kufuzu kwenye fainali za Mataifa Afrika dhidi ya Congo DR.

Ngorongoro Heroes ambayo imeingia kambini toka Machi 8 mwaka huu ikiwa na kikosi cha wachezaji 43 tayari imepunguzwa kufikia wachezaji takribani 23 ambao wanaendelea na mazoezi.

Dhidi ya Morocco

Kikosi hicho kabla ya kuchuana na DR Congo mwishoni mwa mwezi huu, watakuwa na mchezo wa kirafiki dhidi ya timu ya Taifa ya Morocco Jumamosi ya Machi 17 kwenye uwanja wa Taifa, Dar.

Kocha msaidizi wa Ngorongoro Heroes Oscar Mirambo ameutaja mchezo huo wa kirafiki kuwa kipimo tosha kabla ya kucheza na DR Congo.

"Mazoezi yanaendelea vizuri, kizuri ni kuwa wachezaji hawa tulikuwa nao mwaka jana wakiwa na Serengeti Boys na baadhi kutoka katika vilabu vyetu, tutacheza na Morocco mechi ya kirafiki ni jambo zuri kabla ya kucheza na DR Congo," Miramboa amesema.

Mshindi katika hatua hiyo atakutana na Mali katika hatua ya pili kuwania nafasi hiyo muhimu.

Kama Ngorongoro Heroes itafanikiwa kufuzu kwenye mashindano hayo itakuwa imejiwekea historia ya kushiriki Kwa mara ya kwanza kama ilivyokuwa kwa Michuano ya vijana chini ya umri wa miaka 17 Mwaka huu iliyofanyika Gabon.

Bingwa mtetezi

Bingwa mtetezi wa michuano hiyo ni Zambia ambaye alichukua taji Machi Mwaka jana, mashindano ambayo yalifanyika nchini Zambia.

Asilimia kubwa ya wachezaji wanaounda kikosi cha Ngorongoro Heroes ni wale ambao walishiriki michuano Afrika kwa vijana chini ya umri wa miaka 17 iliyofanyika mwaka jana nchini Gabon
Related news
related/article
FIFA World Cup
Serbian star ignoring Manchester United links
23 hours ago
International News
Did Spain make a mistake of sacking Lopetegui?
13 Jun 2018, 18:00
FIFA World Cup
Messi responds to penalty miss
17 Jun 2018, 16:30
FIFA World Cup
Lukaku grabs brace as Belgium thrash resilient Panama
13 hours ago
FIFA World Cup
Harry Kane the hero, as England stab resilient Tunisia
10 hours ago